MANYZDY
OZ OIYM

Adebi Nobel syilygyn algan Kadzuro Isiguro kim?

Adebi Nobel syilygyn algan Kadzuro Isiguro kim?

Әдебиет бойынша 2017 жылғы Нобель сыйлығын Жапониядан шыққан британ жазушысы Кадзуро Исигуро иеленді. Ресми формулировкада айтылғандай, Исигуро эмоциялық қуаты орасан романдарында әлемді сезінуіміз түпсіз жалған екенін көрсеткен. Baq.kz ақпарат агенттігі бірнеше шетелдік басылым материалы негізінде жаңа лауреатты және шығармашылығын қысқаша таныстырады.

Кадзуро Исигуро 1954 жылы Жапонияның Нагасаки қаласында туған. Алты жасында оның отбасы Ұлыбританияға көшеді. Бала кезінде Исигуро музыкант болуды армандаған екен.

Кадзуро Исигуро Кент университетін ағылшын тілі және философиясы мамандығы бойынша бітірген. Шығыс Англия университетінде оқып, өнер магистрі дәрежесін алған.

Әдеби жолын ол 1981 жылы шыққан антологиядағы үш әңгімесінен бастады. 1982 жылы шыққан A Pale View of Hills (Бозғыл төбелер) атты алғашқы романы Жапониядан Англияға қоныс аударған жалғызбасты әйел туралы баяндайды. Қызы өз-өзін өлтірген Эцуко ядролық шабуылға ұшырап, қайта қалпына келген Нагасаки туралы естеліктермен өмір сүреді. Бұл шығармасы үшін Исигуро Британияның үздік жас жазушыларына берілетін грантқа ие болды.

Екінші романы «Баянсыз әлемнің суретшісі» деп аталды. Онда соғысқа қатысқан суретшінің әңгімесі арқылы Екінші дүниежүзілік соғыстың жапондардың өміріне қалдырған ізі туралы айтылады. Бұл 1986 жылы Ұлыбританиядағы үздік роман болып танылды. Сыншылар баянсыздық, сағым әлем, жердің аяқ тіреп тұра алмайтындай орнықсыздығы сезімі Исигуро романдарының басты тақырыбы екенін айтады.

«Ымырт» (The Remains of the Day) атты үшінші романы Кадзуро Исигуроның алғашқы ұлы шығармасы болып саналады. Онда ғасырлар бойғы дәстүрлер сөніп, үлкен дүрбелең алдындағы кезеңдегі ахуал қызметші қарттың хикаясы арқылы әңгімеленді. Сыншылар бұл романның негізгі тақырыбы үрей сезімі екенін және екінші дүниежүзілік соғыс алдындағы осы сезімнің кейінгі кезеңдерде де өзекті екенін айтады. «Исигуро айнала жаппай жасандылық артындағы хаос» туралы жазады, «оның романдарында кейіпкерлер түбінде қай жерге баратыны белгілі болып қойған: олар соңында міндетті түрде өзі туралы шындықты түсінеді, ал шындық үрейлі, жағымсыз болып шығады» («Коммерсант»). «Ымырт» романы үшін жазушы Букер сыйлығына ие болды.

«Жібермеші мені» (Never Let Me Go) деп аударуға болатын алтыншы романы да Кадзуро Исигуроның ең үздік шығармалары қатарында. Кітап ғылыми фантастика жанрындағы антиутопия. Ол клон әдісімен дүние келген адамдар туралы. Клон-балалар бір жекеменшік мектеп-пансионда оқып өмір сүреді. Оларды кейін өлтіріп органдарын донор ретінде алу үшін туғызған. Жасөспірімдер кәдімгі адамдар сияқты өмір сүреді, оларда достық, махаббат, өкініш бәрі бар. Тек олар ерте өледі, бәрі қайсысының қай органы қашан керек боларына байланысты. Қасірет романның соң жағында бейнеленеді. Сыншылардың айтуынша, «Жібермеші мені» романының үшінші бөлімінде оқырман жүйкесін сынайтын беттер бар.

Исигуроның әзірге соңғы романы «Жерленген алып» (The Buried Giant) деп аталады. Көне Англияда адамдар неден екені ұмытшақ бола бастайды. Олар балалық және жастық шағын білмейді. Бір нәрсені талқылауға жиналады, алайда келе салып не үшін екенін ұмытып қалады. Тіпті алып құбыжық баланы ұрлап кеткенде де, көп ұзамай оны іздеуді қояды. Бала кейін қайтып келуі де мүмкін, тек енді ешкімнің онымен шаруасы жоқ. Ерлі-зайыпты Аксель мен Беатриса бұл ауруды «хмари» деп атап, оны Квериг деген айдаһардың аузынан шыққан улы тұман таратып жатыр деп түсінеді. Әлде жоғалған балаларын, әлде жадыларын, яғни өздерін табу үшін олар жолға шығады. Екеуі дегендеріне жетеді. Бірақ одан қуаныш таба ма?

«Жерленген алып» - көлемі жағынан Исигуро романдарының ішіндегі ең шағыны. Кей сыншылар Кадзуро Исигуроны осы романнан бастап оқуды ұсынады.


Комментарии (0)

    MERGENSOZ
    MERGENSOZ

    Aidos Sarym

    Насчет заморозки средств Нацфонда.
    Создается впечатление, что многие сограждане восприняли новость будто эти деньги уже забрали с концами. Это не так. 
    Заморозка счетов - это в общем-то обычная процедурная мера в такого рода делах. Не мы первые, не мы последние. Если проиграем в суде снимут деньги Стати плюс судебные издержки. И скорее всего на время заморозки не будут идти проценты. 
    Вопрос, кажется, глубже.
    1. Наши госорганы, которые привыкли считать наши суды недоразумением и формальностью оказываются полностью беспомощными в более или менее конкурентном суде за рубежом. 
    И теперь, вопрос быстрой и эффективной разморозки счетов в НЮ Меллоне - это вопрос чести для правительства Сагинтаева. 
    Разморозка возможна в случае если суд убедится в доброй воле ответчика, его готовности признать юрисдикцию и выполнить любое решение суда либо если правительство договорится с истцом. Чем дольше суд - тем больше издержки. 
    Кроме всего прочего власти должны обьяснить людям что происходит. Информировать общество о ходе процесса. 
    2. Из правового нигилизма следует и второе следствие. Наши чиновники и госбизнес смотрят на контракты как на формальность. Завели инвестора, не понравилось, можно и кинуть. Благо силовой и судебный ресурс свой. 
    Между тем инвесторы собирают бумаги, нанимают юристов и при случае потом могут поставить в позу зю не тех кто их кинул, а конкретно государство. Что с нами и произошло. Есть много фирм, которые на этом заточены и сьели не одного бегемота. 
    Допускаю, что Стати сам не ангел, а проект был с душком. Но разве нельзя было выкинуть его соблюдая все процедуры? 
    3. В любой стране подобное событие вызвало бы ураган и цунами негодования. У нас же тишина. 
    Где парламентские слушания? Где заявления политпартий? Где расследования в СМИ, интервью с фигурантами, с г-ном Стати? 
    ...
    В любом случае это важнее чем Төреғали...

    ALASHORDA - 100 JIL
    TUGAN KUN