MANYZDY
OZ OIYM

Nurlan Ermekbaev: Radikaldy uiymdagylardyn 80 paiyzy - zhastar

Nurlan Ermekbaev: Radikaldy uiymdagylardyn 80 paiyzy - zhastar

Бүгінгі күні түрлі радикалды ұйымдардың 80%-ын 30 жасқа дейінгі жастар құрайды. Бұл туралы ҚР Дін істері және азаматтық қоғам министрі Нұрлан Ермекбаев Мәскеу қаласында өткен Жастар саясатын жүзеге асырумен айналысатын ведомство басшыларының халықаралық министрлік кездесуінде айтты, деп хабарлайды Baq.kz ақпарат агенттігі.

Қазіргі кезде жастар дөп келіп отырған қауіп-қатерлерге қарсы тұру бойынша ведомстволардың бірлескен іс-әрекетін үйлестіру мақсатында өткен басқосуға әлемнің 70-тен аса елінен өкілдер жиналды. Олардың арасында БҰҰ бас хатшысының жастар ісі жөніндегі өкілі Джаятма Викраманаяке, Ресей Федерациясы Үкіметі төрағасының орынбасары Виталий Мутко, Ресей Федерациясы Білім және ғылым министрі Ольга Васильева, Ресейдің жастар ісі жөніндегі федералдық агенттігінің жетекшісі Александр Бугаев, М.Ломоносов атындағы Мәскеу мемлекеттік университетінің ректоры Виктор Садовничий бар.

«Халықаралық қауіпсіздік» тақырыбындағы панелдік дискуссияда сөз алған ҚР Дін істері және азаматтық қоғам министрі Нұрлан Ермекбаев министрлік тарапынан мемлекеттің зайырлылық қағидаларын нығайту және радикализмнің алдын алудағы заңнаманы жетілдіру бойынша атқарылып отырған жұмысты баяндады.

«Жастарға бұқаралық мәдениет және Интернет күшті ықпал етеді. Бүгінгі күні түрлі радикалды ұйымдардың 80%-ын 30 жасқа дейінгі жастар құрайды. Осыған орай, елімізде және жалпы халықаралық жастар ынтымақтастық жүйесінде жастарды бағыттауға және ынталандыруға арналған құндылықтарды қалыптастырудың тиімді жүйесі болғаны маңызды», - деді Нұрлан Ермекбаев.

Министр отбасылық тәрбие жүйесін нығайту бойынша әлеуметтік жобаларды дамыту мүмкіндігіне назар аудартты.

«Біздің халықаралық деңгейдегі жобаларды іске асыру үшін қажетті инфрақұрылымымыз бар және барлықтарыңызды жастар саясаты саласындағы ҮЕҰ ресурстарын тартумен ынтымақтастыққа шақырамыз. Бүгін біздің елдеріміз ШЫҰ жастар кеңесі, Түркі кеңесі және ТМД елдері кеңесінің аясында өзара қарым-қатынас жасайды. Осы алаңдарға әр қатысушы мемлекет шығындарын өздері өтейді. Сонымен бірге, біздің оператордың негізінде қаржыландыру жүйесін және аталған алаңдар іс-шараларын үйлестіруді орталықтандыруға болады», - деді министр.

Бұдан өзге, Нұрлан Ермекбаев іс-шараға әлі қатыспайтын елдер министрлерінің арасында барлық аталған алаңдардың жұмыс жоспарларын таратуды ұсынды. Осылайша, алынған ұсыныстар халықаралық қауіпсіздік мәселелерін тиімді шешуге көмектесетініне сенім білдірді. Сонымен қатар, министр түрлі өзекті сұрақтар бойынша тұрақты онлайн-кеңестер ұйымдастыру арқылы бірлескен жұмыстың форматын жетілдіруді ұсынды.

Еске сала кетейік, Халықаралық Министрлік кездесу 15 қазан күні Сочи қаласында басталатын XIX Бүкіләлемдік жастар мен студенттердің фестивалі қарсаңында өтіп отыр.


Комментарии (0)

    MERGENSOZ
    MERGENSOZ

    Amirzhan Kossan

    Повышение зарплат депутатов и полицейских - покупка их лояльности в ближайший период; следовательно, в скором времени в парламенте надо будет утверждать что-то особенное и нужно будет обеспечивать порядок во время возможных протестов.
    А учителя и врачи - подождут?!
    На месте школьных и медицинских профсоюзов я бы возмутился и призвал бы своих коллег проявить свой протест!

     

     

     

     

     

     

     

     

     

     

     

     

     

     

     

     

    ALASHORDA - 100 JIL
    TUGAN KUN